🔍 Leaders & The Leadership නායකයෝ සහ නායකත්වය

📍වත්මන් ලෝක දේශපාලනයේ වඩාත් කතාබහට ලක්වූ දේශපාලන චරිතයක් ලෙස ඩොනල්ඩ් ජෝන් ට්‍රම්ප් හඳුන්වා දිය හැක.

ලෝක බලවතා යන අන්වර්ථ නාමයෙන් ඇතැමුන් හැදින්වුවත්, බටහිර ලෝකේ බළවන්තයා යන විරුදාවලිය ලත් ඇමරිකා එක්සත් ජනපදයේ 45 වන ජනාධිපතිවරයා හෙවත් වත්මන් ඇමෙරිකානු රාජ්‍ය නායකයා වන ට්‍රම්ප්, වෘත්තියෙන් ධනවත් ව්‍යාපාරිකයෙකු වන අතර, ඔහු ලොව පුරා ප්‍රකටව ඇත්තේ, දේශපාලන සවිඥානකත්වයෙන් බැහැරව හිතට හැගෙන දේ කරන්නට තැත්කරන, මුවට නැගෙනදේ ක්ෂණිකව පිටතට මුදාහරින දේශපාලන කවටයෙකු (political clown) ලෙසිනි. ඇමරිකන් ජනතාව විසින්  ඔහු ආමන්ත්‍රනය කරන්නාවූ අන්වර්ත නාමයන් වන්නේ "කූට න්‍යායාචාර්ය්‍යවරයා" ("Conspiracy theorist") ලෙසින් සේම, විවේචන නුරුස්නා පුද්ගලයකු වීමෙන් ඊට වහා ප්‍රථිචාර දක්වන්නකු ලෙසින් "හිමකැටය" ("Snow flake") යනුවෙනි.

📍බැරක් හුසේන් ඔබාමා ඇමරිකා එක්සත් ජනපදයේ 44 වන ජනාධිපතිවරයා ලෙස දිවුරුම් දෙන ලද්දේ, ඇමරිකන් දේශපාලන ඉතිහාසයේ කළු ජාතිකයෙකු විසින් ජනාධිපති පදවිය දැරු පළමු අවස්ථා ලෙස ඓතිහාසික සලකුණක් තබමිනි. 
වෘත්තියෙන් නීතිඥයෙකු වු ඔබාමා, සිය තනතුරෙන් විශ්‍රාම යාමෙන් පසුවද ඇමරිකානුවන් විසින් දැඩි ගෞරාවයකින් යුතුව අගයනු ලැබීම සුවිශේෂී කරුණකි. සහජයෙන් නිහතමානී, ආචාරශීලී හා සරල පුද්ගල්යෙකු වූ ඔබාමා ඇමරිකානුවන් විසින් "නාටකීය නොවු ඔබාමා" ("No drama Obama") යන අන්වර්ත නාමයෙන් හදුන්වනු ලබයි. 
මෑතකදී ඇමෙරිකාවේ පවත්වන ලද මහජන මත විමසීමකදී, එදා මෙදාතුර 45 වසරක ඉතිහාසයේ  ධුරය හෙබවූ හොඳම ජනාධිපතිවරයා ලෙසින් බැරක් ඔබාමා තේරී පත්වීම තවත් සුවුශේෂී සිද්ධියක්‌ බවට පත්වේ.

2020 දී නිර්මානය කරන ලද කොටස් දෙකකින් සමන්විත මෙකී වාර්ථා වැඩසටහන, එකිනෙකාට පරස්පර විරෝධී දේශපාලන පෞර්ශයන්ගෙන් හෙබි නායකයින් දෙදෙනෙකු පිළිබඳ කරන ලද සංසන්දනාත්මක විග්‍රහයකි.